دراسة جدوي تربية الفراخ البيضاء في بطاريات


                                                           بسم الله الرحمن الرحيم


نقدم لكم اليوم دراسة جدوي تربية الفراخ في بطاريات حصريا لدي موقعنا عالم الدواجن:

اولا: فوائد التربية في بطاريات.

لو المكان الي بتربي فيه ياخد 200 فرخ علي الارضية في اوضة 5 ف 5 البطاريات ممكن تاخد من 600 الي 800 فرخ يعني اربع اضعاف تقريبا وطبعا دا علي حسب الخدمة اللي حضرتك عاملها من تبريد وتدفية وشكل البطاريات يكون رأسي فوق بعض اربع ادوار طولها متر عرضها 50 سم ارتفاعها 2متر وطبعا البطاريات هتوفر عليك مجهود كبير جدا جدا من حيث اللتظيف حيث يوج صاج تحت كل عين بنشيله ننضفه ونرجعه تاني

الميه طبعا بنعملها اوتوماتك في ميه ماشية في مواسير وفيها نبل او بزازات زي ما تسميها سميها والعلف انت الي بتملي العلافات وخلاص

اما بقي الميزة الكبيرة الي بعد كدة هي الوقاية من الامراض اولا لان الميه مفيش حاجة بتلمسها قبل الفرخ نفسه والعلافات كذلك فالارضي العلافات والسقايات بتنزل فيها فضلات بشكل او ب آخر ودا بيسبب كوكسيديا وكولسترديا لانهم كلهم ياكلو فضلات بعض وكذلك العبث بالفضلات فالفرشة.

والكثافة العددية والتهوية دلوقتي ليه فالارضي بحط عشرة و٨ فالمتر و ازاي متر ف ٥٠ سنتي بحط فيهم ١٠ ل ١٥ فرخة يعني البطارية بتاخد من ٤٠ ل ٦٠ فرخة الاربع ادوار والتهوية بتكون ازاي مش بيموتو لما بيتزحموا

دا بسبب التهوية بقدر ازود لان التهوية بتكون كويسة لان الفرخ حولين منه فاضي من الست جهات كلها سلك وتهوية وفالارض بيسيب مساحة للفرخ يتحرك للعلافات والمساقي فالبطارية كل حاجة قدامهم.

انا عن نفسي عندي

عامل دفايات كهربا بدفع كهربا عالية بس الحمد لله ربنا بيراضيني وفالاخر بيطلع مكسب كويس

وعامل خلية تبريد وشفاط ٥٠ ف ٥٠ بيتركب الناحية القبلي والخلية الناحية البحري وعندي ظابطها ع ترموستات بتشتغل وتفصل اوتوماتك بتتجاب من شارع نجيب الريحاني فالقاه وهوا بيقلك بتتركب ازاي

عندي عامل كاميرات مراقبة بقدر اتابع وانا برا البيت او وانا ف شقتي

الاضاءة في جداول عالنت للاضاءة انا بظبط تايمر بيشغل ويفصل اوتوماتك الاضاءة

لسه ايه تاني

بتتجاب منين اكتب ف اي مكان بطاريات دجاج تسمين انا مش بعلن عن اي حد ولا ليا دعوة بحد مجرد اني عاوز افيد الناس

المية عاملها اوتوماتك حاطط عوامة جنب فالجردل بيعبي ويفصل اوتوماتك

الاوزان عندي الحمد لله الدورة اللي فاتت كان عمر ٣٧ يوم متوسط ٢.١٠٠ واكلين ٣.٥ علف

التحصينات وحدول الادوية

مش ماشي ع اي نظام ادوية ولا بحط اي ادوية خالص الا ف حالات الطوارئ مثلا جه هوا شديد وفتح الشباك جالهم برد شديد ساعتها جبت دوا غير كده لا

اللي عاوز اعمله بفكر ف سيور صغيرة اعملها تحت كل عين بحيث التنضيف يكون اوتوماتك

وعاوز حاجة تحط علف اوتوماتك

ينفع مشروع ممتاز جدا جدا لاي ربة اسرة او شاب عاوز مشروع


جديد قسم : الفراخ البيضاء