القائمة الرئيسية

الصفحات

آخر الأخبار



تعاملات طول الدورة
لما تستقبل كتاكيتك وتسكن تجيب ورق جرايد او اي ورق عندك وتحطه في اربع اركان التحضين وتحط عليه شوية علف صغيرة
معظم الكتاكيت دايما تتجمع في الاجناب

لازم في الصيف تستقبل علي محلول معالجة جفاف من ٨ الي ١٢ ساعة اما السكر والعسل الأسود والفيتامينات ملهاش اي فائدة في الاستقبال ويفضل بعد محلول معالجة الجفاف تنزل بسقوة ٨ ساعات اما بروبيوتك او احماض امينية عشان تفتح شهية الكتكوت

في اليوم الثالث تعمل حجازة في العنبر ويفضل في اخر العنبر وتلم فيها الكتاكيت الضعيفة والصغيرة
ويكون في المتر ٢٠ كتكوت مش اكتر وطبق لكل ٢٠ كتكوت وسقاية صغيرة لكل ٥٠ كتكوت والدفاية تكون قريبة منهم

لما تيجي تهوي اول اربع ايام تهوي من داخل المزرعة بمعني انك تنزل ستارة التحضين من فوق شوية بحيث الهواء يتجدد
ولو في الشتاء بتشغل دفاية قبل الستارة بحيث الهواء يدخل سخن

احرص علي تنفيذ برنامج الاظلام لأنك لو نفذته
👈 هتلاقي تحويل فوق الممتاز
👈 مناعة عالية
وبرنامج الاظلام بيكون من اليوم السابع ساعة بعد المغرب لمدة ٣ ايام ثم ساعة ونص لمدة ٣ ايام ثم ساعتين لمدة ٣ ايام ثم ساعتين بعد المغرب وساعة من ١٢ الي ١ بليل لمدة ٣ ايام ثم ساعتين بعد المغرب وساعتين من ١٢ الي ٢ بليل حتي قبل البيع بيوم

احرص دايما علي تنفيذ القاعدة تهوية تدفئة فرشة جافة
القاعدة دي اساس نجاح دورة الفراخ واي خلل فيها معناه فشل دورة الفراخ

هنكمل في مقال آخر عشان مطولش عليكم

ملحوظة هامة جدا جدا
المهندس تهامي واخد عهد علي تعليم الجميع التربية الصح والتربية الحديثة من خلال العلم
وتعليم التربية في المزرعة من العبد لله احمد قاسم
عشان كدا اي فيديو بينزل او مقال تأكد انه مهم جدا وفيه الخلاصة👍
اي سؤال تحت امر الجميع

هل اعجبك الموضوع :

تعليقات