القائمة الرئيسية

الصفحات

آخر الأخبار



في المقال السابق ذكرت أسباب السردة
في المقال دا ان شاء الله هشرح لك ازاي تتغلب علي المشاكل اللي بتعمل سردة

الكتكوت وشرحت في مقال سابق موجود ع الصفحة ازاي تفرز كتاكيتك عند الاستلام وشرحت الكتكوت الجيد من الكتكوت السيء من هنا

👈 أختار كتكوت ضهر عريض من عند الفخدين لان دا هيكون صدرة عريض ويمليء لحم ومعظم الوزن في الصدر وبلاش الكتكوت المبروم او الملفوف او ابو دماغ كبيرة او ابو بطن كبيرة أو وزنه اقل من ٣٧ جرام

👈 الدفعة لو الوزن بين اكبر كتكوت وأصغر كتكوت اكتر من ٣ جرام ارفضها لان كدا هيحصل تفاوت وزن آخر الدورة والكتكوت الكبير هياكل ويشرب قبل الصغير

👈 بلاش تنزل كتاكيت مجهولة المصدر وتكون من سمسار لسمسار لسمسار دي مش هتعرف تحاسب صحابها لو في مشكله عندك
تختار كتكوت من مكتب موثوق فيه يقدر يجبلك حقك لو في مشكلة اساسا في الكتكوت

👈 بلاش تسكن كتاكيت من سلالة حصل لها تعديل في مصر زاي الاربو والايفيان المعدل عشان في منها قطعان مخلطة كتير والكلام دا انا بذكره للامانة وفي شركات للاربو والايفيان المعدل محترمة لكن الشيء بالشيء يذكر

👈 الكتكوت البايت في المعمل معظم الدفعة بتكون سردة وبتعمل تفاوت

👈 افضل ثلاث أنواع كتاكيت هي

الكب ودا ممتاز في الشتاء لانه بيتحمل الدرجة المنخفضة بس مش معني كلمة درجة منخفضة ان الكتكوت عمر يوم وتكون درجة الحرارة ٣٠ او ٣١ لا الافضل ٣٣ درجة وممكن بليل تبقا ٣٢ والكتكوت هيستحمل

الروص ودا ممتاز في الصيف جدا وبيتحمل درجة الحرارة العالية بس مش العالية الي هي ٣٤ درجة عمر ٣٠ لا ممكن ٣٠ او ٣٢ درجة عمر ٣٠
اكتر من كدا يبقا غلط

الاي ار ودي سلالة ممتازة جدا في المناعة وفي التحويل واغلب شغلها في الشتاء

كدا شرحت مشاكل الكتكوت المقال القادم هيكون ان شاء الله عن المزرعة والرعاية وازاي تتغلب علي مشاكل المزرعة الي بتسبب سردة

✋✋✋ ملحوظة هامة الصورة فيها كتاكيت بايتة ودي هتوضحلك تفرق بين الكتكوت البايت والكتكوت الفرش ودا هيتشرح في مقال أيضا

هل اعجبك الموضوع :

تعليقات

تعليق واحد
إرسال تعليق
  1. السلام عليكم ورحمه الله وبركاته لو سمحت انا عندي كتاكيت بيضه عمرها دلوقت شهر وزنها 600 جرام من 700 جرام ومش بتكبر ايه الحل

    ردحذف

إرسال تعليق