القائمة الرئيسية

الصفحات

آخر الأخبار

أقوي علاج للبرد والنهجان ودمعة العين والميكوبلازما في الحمام والطيور

                      السلام عليكم ورحمة الله وبركاته 

باذن الله هنقدم ليكم العلاج بشكل مبسط ومفيد زي ما عودناكم :

طبعا كلنا بتقابلنا الأمراض التنفسية سواء في الصيف او في الشتاء كدا كدا الامراض التنفسية بتظهر عندنا في الحمام   وبتشمل ( الكحة أو العطس - النهجان أو الخنفرة - دمعة العين - سيلان الانف - تجبنات في العين ) الكلام دا كلو بيظهر معانا في الحمام سواء بقي البرد أو الالتهاب الرئوي وطبعا مرض السالمونيلا واللي شرحنا علاجه قبل كدا وتقدر تشوفه من هنا

ان شاء الله النهاردة أنا جايبلكم علاج بيطري هيعالج بنسبة كبيرة جدا باذن الله أغلبية الامراض التنفسية اللي ممكن تيجي للحمام وبعض الامراض المعوية اللي منها السالمونيلا والايكولاي .

العلاج اسمه تيـدوفيت بيتكون  من مادتين مهمين جدا ( التيلوزين تارترات - دوكسي سيكلين هيدروكلوريد ) طبعا مادة التيلوزين من الادوية المهمة جدا كنا بنجيبوا حقن بنحقن منو الحمام اللي عنده مرض الميكوبلازما أو التهاب رئوي وطبعا كان بيسبب مشاكل كتير زي التورم بس الجمد لله دلوقتي دا بديل كويس جدا وتاني مادة هي الدوكسي سيكلين ودي موجودة في أدوية كتير جدا بشرية وبيطرية .

الجرعه وطريقة الاستخدام والكلام دا كلو هنشرحه بالتفصيل دلوقت , أول حاجة يا جماعه التيدوفيت دا أنا استخدمته قبل كدا وعن تجربة جاب معايا نتيجة سحرية جدا في علاج الامراض التنفسية وعلاج دمعة العين بالذات .

طريقة الاستعمال : 1 جرام لكل لتر مياه وطبعا احنا مش هنعرف نوزن واحد جرام لكل لتر مياه فانا هقولك الطريقة اللي بستخدمها احنا هنجيب ربع ملعقة شاي صغيرة طبعا المعلقة دي بتاخد من 4 -5 جرام ف احنا هناخد ربع المعلقة الصغيرة علي لتر مياه للطيور كلها وهنسخدمه لمدة بين 5 - 7 أيام حتي لو حالته بقت حلوة لازم تكمل الجرعه عشان المرض ميردش عليه 

طب لو عاوزين نستخدمه مباشر في العين مثلا نعمل ايه؟ هقولك تجربتي وان شاء الله تجيب معاك نتيجة عشرة علي عشرة اول حاجة هتجيب قطارة عين او انف او اذن فاضية وهنجيب ربع المعلقة نحطه ف القطارة ونحط عليه 10 سم مياه ونرجها كويس جدا وبعد كدا نستخدمها 5 نقط في بق كل فرد حمام ونفطه في كل عين ونقطه في كل فتحة مناخير وطبعا دا علي حسب العضو المصاب في الطير وهنكرر النقط مرة كل 12 ساعه يعني لو حطتله 7 الصبح احطله 7 بليل وهكذا لمدة ما بين 5 -7 أيام 

وطبعا بعد استخدام اي مضاد حيوي لازم نستخدم مضاد للسموم ومنشط للكبد والكلي انا عن نفسي بستخدم فيتاريل بلس بيطري بدي منو نص سم مباشر في بق الحمام مع شوية مياه أو 2 سم علي كل لتر مياه لمدة 5 -7 أيام برضو ومممكن نستخدم أقراص الخميرة برضو 

وان شاء الله بعد كورس العلاج دا فرد الحمام او الطير مش هتظهر عليه اي اعراض تاني ومناعته هتبقي حديد والسلام عليكم ورحمة الله وبركاته


هل اعجبك الموضوع :

تعليقات

تعليق واحد
إرسال تعليق

إرسال تعليق